Zoermoos
Veurblaad - Recènte verangeringe - Alle Artiekele - De Kaffee - Zandjbak - Hölp - Willekäörige pazjena - Aanmelle veur Wikibeuk - Gebroekersportaol - Spellingshölp - Bokelies
- Waat haet me nuuedig aan ingrediënte?
- Aerpel
- Zoermoos (in 'n verhajing van 1 steit toet 2 de 3 aan aerpelgewich)
- Zaat
- Appel (leefstes zeut)
- Oje (ejuun/unne)
- Spekskes
- Bótter veur te braoje
- Zaat
- Water
Me kan ouch 'n roukwósj (mit mósterd) of paeper toeveuge ane lies.
- Waat haet me nuuedig aan kaokgrei?
- E groeat kille
- 'n Braodpan
- 'nen Doorslaag
- 'ne Waskómp
- 'ne Moosstamper
- E versjet (veur mit te peken inne aerpel)
- Twieë houtere laepele
- E sjèlmets en 'n sniejplank
- 't Wirkes
Sniej de aerpel, wie klènder wie fènder, en was die in law water mit e bietje zaat inne waskómp. Zèt innen tössetied 't groeat killen aan mit water. Wen 't water nag neet kaok, kóns se gerös de aerpel al in 't kille doon; zoea maaks se minder sjans op des se dich de henj burs. Sniej veur 't water kaok ouch alvas 'n ooj en 'nen appel in fien stökskes. Wie klènder de stökskes zeen; de ieëre 't gaar is en de minder me meudje mót doon bie 't stampe.
Wen al in 't kille zitj en 't begintj te kaoke maag me nao smaak nag get zaat of paeper toeveuge. Innen tössetied det 't moos kaok, kónne de spekskes waeren opgebraojen inne braodpan. Wie krapper 't spek, wie lekkerder. Reur mit twieë epaarte houtere laepele: eine veur aventoe 't moos mit te reuren en eine veure spekskes door te drejje.
Nao e keteer toet twintjig menuut zólle de aerpel gaar zeen en kan m'n 't hieël aafsjödde doren doorslaag. Wie mekkeliker de aerpel oetereinvalle wen me peek mit e versjet; wie mekkeliker dalik ouch 't stampe mitte moosstamper geit. Wen me de aerpel haet aafgesjödj, duit m'n ieës nag get bótter in 't kille (laot det op e lieëg vuur aanstaon). Wen m'n 't hieël trögk in 't kille duit, begintj 't stampe mitte moosstamper. Wen 't oetèntelik toet moos is gepratsj, kan m'n 't spek (mit voch) toeveuge. Nag efkes good doorreure en 't vuur kan oet.