Poorkiesj

Van Wikibeuk
(Doorverweze van Poearquiche)

Veurblaad - Recènte verangeringe - Alle Artiekele - De Kaffee - Zandjbak - Hölp - Willekäörige pazjena - Aanmelle veur Wikibeuk - Gebroekersportaol - Spellingshölp - Bokelies


Ingrediënte[bewirk]

Veur 't deig:

  • 200 gr bloom
  • 75 gr óngesmóltje bótter
  • 1 ei
  • zaat
  • kaad water

Veure völling:

  • 1 aetlaepel aan kaokaolje
  • 2 à 3 dón poorstengele
  • 4 eier
  • bótter
  • spek
  • paeper en zaat

Lit op! Veur 't deig kan me ouch gewuuen blajerdeig oete winkel broeke.

Bereijing[bewirk]

  • Knaej de bloom, bótter, 't ei en zaat snel mitte henj en veug daobie zoväöl water toe det 't deig soeppel wuuertj. Winsj 't deig in hoeshaadfoolje en lègk 't mindestes 30 menuut innen ieskas.
  • Verwurm d'n aove veur toet 200 graoj.
  • Sniej 't gruuent vanne poor aaf. Sniej de poor in dón sjieven en was ze good in kaad water.
  • Verhèts de kaokaolje enne poor in 'n braojpan, toet die litste nao 5 menuut glaezig is gebakke.
  • Bak de spek gaar mit get bótter of in 't eige voch.
  • Rol 't deig oet toet 't in 'n springvorm van 26 cm in doorsnit pas en bedèk de renj toet 2 à 3 cm huuegdje.
  • Klop de eier mit get bótter loos en ming de spek enne poor hiedoor. Me kan 't mit paeper en zaat op smaak bringe. Sjöd 't den inne springvorm en striek 't gled.
  • Bak de kiesj 30 menuut lang inne veurverwurmdjen aove.